40 g mjólk
70 g vatn
50 g smjör
1 tsk sykur
80 g sterkt hveiti/brauðhveiti
2-3 egg
1/4 tsk salt

100 gr Freyju súkkulaði með sterkum djúpur
1 poki Freyju lakkrís bombur
150 gr Freyju pipardjúpur kurl
500 ml rjómi
1 krukka hindberja sulta 
Hockey pulver

1. Byrjið á að hita mjólkina, vatnið, smjörið og sykurinn upp að suðu.
2. Bætið hveitinu saman við og hrærið stanslaust þar til filma myndast á botninum á pottinum og deigkúla fer að myndast úr deiginu. Mikilvægt er að nota brauðhveiti svo bollurnar falli ekki og haldi formi. Deigið á að losna vel frá hliðum pottsins þegar það er tilbúið.
3. Færið deigið í hrærivélaskál og hrærið þar til deigið er orðið volgt og þið getið snert það án þess að finna hita.
4. Hrærið saman eggin og saltið til að brjóta upp eggin og blanda þeim vel saman við saltið.
5. Bætið eggjunum saman við í nokkrum skömmtum og hrærið vel inn á milli. Hrærið þar til deigið er ekki lengur stíft en heldur þó enn þá formi. Þegar það lekur af sleifinni í einskonar V formi þá er það tilbúið.
6. Sprautið deiginu á pappírsklædda plötu með góðu millibili.
7. Stillið ofninn á 220*C. Þegar ofninn er tilbúin eru bollurnar settar inn í ofninn og hitinn lækkaður í 190*C í 15 mínútur. Eftir 15 mínútur er hitinn lækkaður í 170*C og bakaðar áfram í 15-20 mínútur eða þar til þær eru gullinbrúnar og búnar að mynda góða skorpu að utan.

1. Byrjið á að bræða saman Lakkrís Bombur og 30-50ml af rjóma í potti við vægan hita, passið að hræra stanslaust.
2. Bræðið saman Freyju súkkulaði með sterkum djúpum ásamt 20-30ml af rjóma þar til blandan hefur blandast vel saman .
3. Stífþeytið næst rjómann.
4. Skerið bollurnar í sundur þegar að þær hafa kólnað og setjið brætt Freyju súkkulaði með sterkum djúpum á lokið.
5. Setjið næst bræddar Lakkrís bombur í botninn á bollunum og sprautið rjómanum á bolluna.
6. Sigið hockey pulver á rjómann og dreifið hindberja sultu og pipardjúpur kurli á rjómann.
7. Lokið bollunni og njótið.