40 g mjólk
70 g vatn
50 g smjör
1 tsk sykur
80 g sterkt hveiti/brauðhveiti
2-3 egg
1/4 tsk salt

1 poki Freyju Rís kúlur
2 bananar
500 ml rjómi
1 krukka Biscoff smyrja

1. Byrjið á að hita mjólkina, vatnið, smjörið og sykurinn upp að suðu.
2. Bætið hveitinu saman við og hrærið stanslaust þar til filma myndast á botninum á pottinum og deigkúla fer að myndast úr deiginu. Mikilvægt er að nota brauðhveiti svo bollurnar falli ekki og haldi formi. Deigið á að losna vel frá hliðum pottsins þegar það er tilbúið.
3. Færið deigið í hrærivélaskál og hrærið þar til deigið er orðið volgt og þið getið snert það án þess að finna hita.
4. Hrærið saman eggin og saltið til að brjóta upp eggin og blanda þeim vel saman við saltið.
5. Bætið eggjunum saman við í nokkrum skömmtum og hrærið vel inn á milli. Hrærið þar til deigið er ekki lengur stíft en heldur þó enn þá formi. Þegar það lekur af sleifinni í einskonar V formi þá er það tilbúið.
6. Sprautið deiginu á pappírsklædda plötu með góðu millibili.
7. Stillið ofninn á 220*C. Þegar ofninn er tilbúin eru bollurnar settar inn í ofninn og hitinn lækkaður í 190*C í 15 mínútur. Eftir 15 mínútur er hitinn lækkaður í 170*C og bakaðar áfram í 15-20 mínútur eða þar til þær eru gullinbrúnar og búnar að mynda góða skorpu að utan.

1. Byrjið á að skera bollurnar í sundur þegar að þær hafa kólnað.
2. Myljið Rís kúlurnar og brjótið þær upp í smærri einingar.
3. Skerið bananana smátt og þeytið rjómann.
4. Setjið Biscoff smyrju í botninn á bollunni og smyrjið einnig lokið á bollunni með biscoff.
5. Setjið 2-3 sneiðar af banana í bolluna og sprautið rjómanum á bolluna. 
6. Setjið Rís kúlur yfir rjómann og ofan á tíminn á bollunni. Lokið bollunni og njótið!