40 g mjólk
70 g vatn
50 g smjör
1 tsk sykur
80 g sterkt hveiti/brauðhveiti
2-3 egg
1/4 tsk salt

3 Freyju Staurar
200 g hindberja sulta
500 ml þeyttur rjómi
Smátt skorin jarðarber

1. Byrjið á að hita mjólkina, vatnið, smjörið og sykurinn upp að suðu.
2. Bætið hveitinu saman við og hrærið stanslaust þar til filma myndast á botninum á pottinum og deigkúla fer að myndast úr deiginu. Mikilvægt er að nota brauðhveiti svo bollurnar falli ekki og haldi formi. Deigið á að losna vel frá hliðum pottsins þegar það er tilbúið.
3. Færið deigið í hrærivélaskál og hrærið þar til deigið er orðið volgt og þið getið snert það án þess að finna hita.
4. Hrærið saman eggin og saltið til að brjóta upp eggin og blanda þeim vel saman við saltið.
5. Bætið eggjunum saman við í nokkrum skömmtum og hrærið vel inn á milli. Hrærið þar til deigið er ekki lengur stíft en heldur þó enn þá formi. Þegar það lekur af sleifinni í einskonar V formi þá er það tilbúið.
6. Sprautið deiginu á pappírsklædda plötu með góðu millibili.
7. Stillið ofninn á 220*C. Þegar ofninn er tilbúin eru bollurnar settar inn í ofninn og hitinn lækkaður í 190*C í 15 mínútur. Eftir 15 mínútur er hitinn lækkaður í 170*C og bakaðar áfram í 15-20 mínútur eða þar til þær eru gullinbrúnar og búnar að mynda góða skorpu að utan.

1. Þeytið rjómann og skerið jarðarberin smátt.
2. Brjótið Staurana upp og stappið niður. 
3. Skerið bollurnar í sundur þegar að þær hafa kólnað og setjið staur í botninn á bollunum. 
4. Setjið næst sultu og rjóma á bolluna og toppið rjómann með ferskum jarðarberjum.
5. Lokið bollunni og sigtið flórsykur yfir bolluna.