Páska eftirrétturinn 2025

Páska hreiður með Rís dessert eggjum

Innihald

Marengs hreiður

6 eggjahvítur
300 g sykur
2 tsk kartöflumjöl 
Matarlitur að eigin vali

Hindberja compote

100 g sykur
30 ml vatn
370 g frosin hindber

Mascarpone þeyttur rjómi

300 ml rjómi
85 g flórsykur
225 g mascarpone rjómaostur

Annað

1 krukka Biscoff smyrja
100 g Freyju súkkulaði með saltkaramellu kurli og rís kúlum
150 g Freyju mjólkursúkkulaðidropar 
Freyju dessert páskaegg

Aðferð

  1. Byrjið á að búa til hindberja compote þar sem það þarf að kólna vel áður en það fer í marengs hreiðrin.
  2. Setjið öll hráefnin saman í pott og leyfið blöndunni að koma upp að suðu. Þegar blandan er farin að sjóða er lækkað í hitanum og leyft henni að malla í 8-10 mínútur. Setjið í box eða skál með plastfilmu yfir og inn á kæli.
  3. Gerið næst marengs hreiðrin. Forhitið ofninn í 120*C og blástur.
  4. Gerið ofnplötu tilbúna og leggið til hliðar.
  5. Þeytið eggin þar til þau eru orðin léttþeytt og farin að “freyða”. Bætið þá sykrinum saman við í nokkrum skömmtum og þeytið í u.þ.b.10 mínútur eða þar til marengsinn er stífþeyttur.
  6. Bætið næst kartöflumjölinu og matarlitnum saman við marengsinn með sleif.
  7. Setjið marengsinn í sprautupoka og sprautið honum fallega á bökumarplötuna. Passið að skilja eftir lítið gat til að mynda einskonar hreiður fyrir fyllinguna.
  8. Bakið marengs hreiðrin í u.þ.b klukkutíma, slökkvið á ofninum og leyfið þeim að kólna inn í ofni í ca hálftíma áður en þau eru tekin út úr ofninum til að sporna við að þau falli. 
  9. Þegar hreiðrin eru tilbúin og komin úr ofninum er saltkaramellu og rís súkkulaðið ásamt mjólkursúkkulaði dropunum brætt saman yfir vatnsbaði eða hægt og rólega í örbylgjuofni. Passið að hræra vel í á meðan.
  10. Dýfið botninum á hreiðrunum í súkkulaði blönduna og setjið inn í ísskáp til að leyfa súkkulaðinu að harðna.
  11. Á meðan er hægt að þeyta rjómann en þá fara öll hráefnin saman í skál og þeytt þar til rjóminn er stífþeyttur.
  12. Takið næst hreiðrin út úr kælinum. Byrjið á að fylla þau með Biscoff smyrju, þar á eftir er fyrsta lag af rjómanum sprautað á og næst hindberja compote sett ofan í rjómann. Að lokum er restinni af rjómanum sprautað á hreiðrin og þau toppuð með dessert páskaeggi.